Myunxenning «Bavariya» klubi ayni damda «Borussiya Myonxengladbax» hujumchisi Markus Tyuram uchun kurashda raqiblaridan oldinda. Bu haqda Sky Italia xabar beradi.
Eslatib o‘tamiz, Tyuram kelasi yozda erkin agentga aylanadi, buni «Borussiya» rahbariyati yaqinda tasdiqlagan.
Futbolchining transferiga «Bavariya»dan tashqari kamida ikki klub – «Barselona» va «Inter» ham qiziqish bildirgan.
Yaqindagina Tyuram 84-daqiqada «Bavariya» darvozasiga g‘alaba to‘pini kiritdi va Bundesligada «Borussiya»ga 3 ochko keltirdi.
Markus ligada 11 ta gol va 3 ta golli uzatmaga ega.