"Real" yarim himoyachisi Luka Modrich Vinisius Junior bilan bog‘liq mojarolarga izoh berdi. Eslatib o‘tamiz, matbuot bu mavsumda 22 yoshli braziliyalikni tez-tez tanqid qilib, uni provokasiyalarda ayblaydi.

“Men har qanday haqoratga qarshiman. Vinisius ko‘proq futbolga e’tibor qaratishi va jamoasiga yordam berishi kerak. Bu u qila oladigan eng yaxshisidir. Biz uni doim qo‘llab-quvvatlaymiz va uning yonida bo‘lamiz", - deya Modrich so‘zlarini keltirmoqda Madrid Xtra.

Vinisius joriy mavsumda “Real” safida La Ligada 7 ta gol urdi va 4 ta golli uzatmani amalga oshirdi. Avvalroq, La Liganing so‘nggi turida “Osasuna”ga qarshi o‘yinda braziliyalik futbolchi bosh hakamni so‘kkanligi haqida xabar berilgandi.