"Реал" ярим ҳимоячиси Лука Модрич Винисиус Жуниор билан боғлиқ можароларга изоҳ берди. Эслатиб ўтамиз, матбуот бу мавсумда 22 ёшли бразилияликни тез-тез танқид қилиб, уни провокацияларда айблайди.
“Мен ҳар қандай ҳақоратга қаршиман. Винисиус кўпроқ футболга эътибор қаратиши ва жамоасига ёрдам бериши керак. Бу у қила оладиган энг яхшисидир. Биз уни доим қўллаб-қувватлаймиз ва унинг ёнида бўламиз", - дея Модрич сўзларини келтирмоқда Madrid Xtra.
Винисиус жорий мавсумда “Реал” сафида Ла Лигада 7 та гол урди ва 4 та голли узатмани амалга оширди. Аввалроқ, Ла Лиганинг сўнгги турида “Осасуна”га қарши ўйинда бразилиялик футболчи бош ҳакамни сўкканлиги ҳақида хабар берилганди.
