UYEFA matbuot xizmati Chempionlar ligasida haftaning eng yaxshi futbolchisi bo‘lish uchun davogarlar ro‘yxatini e’lon qildi.

Mukofotga Vinisius Junior (“Real”), Riyod Maxrez (“Manchester Siti”), Xoqon Chalxano‘g‘li (“Inter”) va Irving Losano (“Napoli”) da’vogarlik qilmoqda.

Shu haftada Chempionlar ligasi 1/8 finalining ilk o‘yinlari bo‘lib o‘tdi. “Manchester Siti” “Leypsig” bilan durang o‘ynadi (1:1), “Inter” “Portu”ni (1:0), “Real” “Liverpul”ni (5:2), “Napoli” “Ayntraxt”ni mag‘lub etdi (2:0).

Haftaning eng yaxshi futbolchisi UYEFA rasmiy saytida ovoz berish orqali aniqlanadi.