«Napoli» Italiya chempionatida ishonchli tarzda peshqadamlik qilmoqda. Luchano Spaletti shogirdlari eng yaqin ta’qibchisi «Inter»dan 15 ochko oldinda bormoqda.

Oldinda hali o‘n besh tur bor bo‘lsada, Neapolda chempionat bayramini rejalashtirish boshlandi. Har holda, bu haqda La Repubblica xabar berdi.

Manbaga ko‘ra, ular skudettoni Neapoldagi 4 iyun kuni Pyassa-del-Plebishitoda nishonlamoqchi. Biroq, yana bir fikr bor - markazda olomonni oldini olish uchun shaharning mehmonxona kvartallarida tadbirlar tashkil etish.

Aytish joizki, «Napoli» 1990 yildan beri ilk bor Italiya chempioni bo‘lishi mumkin.