AS nashri jurnalistlari “Barselona”ning kataloniyalik muxlislari o‘rtasida so‘rovnoma o‘tkazishdi. Muxlislardan Xavi Ernandesning jamoa bosh murabbiyligidan ketishi mumkinligi haqida so‘rashdi.

So‘rov natijalariga ko‘ra, respondentlarning 69,7 foizi murabbiy jamoa boshqaruvida qolishi kerak, deb javob bergan. Qolgan respondentlar mutaxassisni ishdan bo‘shatishni qo‘llab-quvvatladilar.

Eslatib o‘tamiz, "Barselona" "Manchester Yunayted"ga umumiy hisobda (2:2, 1:2) mag‘lub bo‘lib, Yevropa ligasidan chiqib ketdi.

Xavi 2021 yilning noyabrida “ko‘k-anorranglilar” bosh murabbiyi lavozimini egallagandi. Tomonlar o‘rtasidagi mehnat shartnomasi muddati 2024 yil iyun oyining oxirigacha hisoblanadi.