AS нашри журналистлари “Барселона”нинг каталониялик мухлислари ўртасида сўровнома ўтказишди. Мухлислардан Хави Эрнандеснинг жамоа бош мураббийлигидан кетиши мумкинлиги ҳақида сўрашди.
Сўров натижаларига кўра, респондентларнинг 69,7 фоизи мураббий жамоа бошқарувида қолиши керак, деб жавоб берган. Қолган респондентлар мутахассисни ишдан бўшатишни қўллаб-қувватладилар.
Эслатиб ўтамиз, "Барселона" "Манчестер Юнайтед"га умумий ҳисобда (2:2, 1:2) мағлуб бўлиб, Европа лигасидан чиқиб кетди.
Хави 2021 йилнинг ноябрида “кўк-анорранглилар” бош мураббийи лавозимини эгаллаганди. Томонлар ўртасидаги меҳнат шартномаси муддати 2024 йил июнь ойининг охиригача ҳисобланади.
