"Arsenal" bosh murabbiyi Mikelm Arteta APLning 24-turi doirasida "Aston Villa" ustidan qozonilgan 4:2 hisobidagi g‘alaba jamoaga qanday ta’sir qilgani haqida gapirdi.
Eslatib o‘tamiz, uchrashuv davomida "kanonirlar" 1:2 hisobida mag‘lub bo‘lishayotgandi, yakunda esa g‘alabani qo‘lga kiritishdi.
Ispaniyalik mutaxassisning fikricha, bunday g‘alaba futbolchilarda o‘ziga bo‘lgan ishonchni oshirdi.
"Biz uchun katta rag‘bat - jamoa haqiqatdan ham noqulay vaziyatda tiklanish qobiliyatini ko‘rsatdi. Ammo birinchi bo‘limda biz yaxshiroq qilishimiz kerak bo‘lgan narsalar bor edi, ayniqsa to‘pni nazorat qilishni yaxshilashimiz kerak edi", - dedi Arteta "Arsenal" rasmiy saytiga.
