"Арсенал" бош мураббийи Микелm Артета АПЛнинг 24-тури доирасида "Астон Вилла" устидан қозонилган 4:2 ҳисобидаги ғалаба жамоага қандай таъсир қилгани ҳақида гапирди.
Эслатиб ўтамиз, учрашув давомида "канонирлар" 1:2 ҳисобида мағлуб бўлишаётганди, якунда эса ғалабани қўлга киритишди.
Испаниялик мутахассиснинг фикрича, бундай ғалаба футболчиларда ўзига бўлган ишончни оширди.
"Биз учун катта рағбат - жамоа ҳақиқатдан ҳам ноқулай вазиятда тикланиш қобилиятини кўрсатди. Аммо биринчи бўлимда биз яхшироқ қилишимиз керак бўлган нарсалар бор эди, айниқса тўпни назорат қилишни яхшилашимиз керак эди", - деди Артета "Арсенал" расмий сайтига.
