"Lids"ning yangi bosh murabbiyi Xavi Grasiya klubni Premyer-ligadan tushib ketishdan saqlab qolish uchun kechasi ikki-uch soat uyqudan voz kechayotganini aytdi.

“Uslub o‘zgarishi haqida hozircha aniq bir narsa ayta olmayman. Lekin men turli jamoalarda boshqacha o‘ynashni yaxshi ko‘raman.

Men futbolchilarim uchun eng yaxshi yo‘lni topishga ochiqman. Jamoa gol o‘tkazib yuborsa, biz buni tuzatishimiz kerak. Bundan tashqari, ba’zi boshqa narsalarni yaxshilash kerak. Bilaman, bizda ko‘p vaqt yo‘q, lekin biz o‘yinchilarga yechimlar berishimiz kerak. Oxirgi kunlar shiddatli o‘tdi, men har kuni deyarli ikki-uch soat uxlayapman", - deya Grasiyaning so‘zlarini keltiradi The Guardian.

Grasiyaning so‘nggi ish joyi Qatarning “As-Sadd” bo‘lib, u bilan ispaniyalik milliy chempionlikni qo‘lga kiritdi.

"Lids" bu mavsumda 23 o‘yinda 19 ochko jamg‘argan holda Premyer-liga turnir jadvalining 19-pog‘onasida bormoqda.