Madridning “Real” klubi “Liverpul” yarim himoyachisi Fabinyoga qiziqish bildirmoqda. Xabarlarga ko‘ra, madridliklar 29 yoshli braziliyalik futbolchini yozgi transfer oynasida o‘z safiga qo‘shib olishlari mumkin.

Manbaning ta’kidlashicha, "qizillar" yozgi tarkibni qayta qurishga tayyorgarlik ko‘rmoqda va Fabinyo yomon mavsumdan keyin sotib yuborilishi mumkin.

Yarim himoyachi "Monako"dan ko‘chib o‘tgandan so‘ng 2018 yilning yozidan beri "Liverpul"da o‘ynamoqda. O‘shandan beri braziliyalik 202 ta rasmiy o‘yinda maydonga tushib, 11 ta gol urgan va 8 ta golga assistentlik qilgan.

Qo‘shimcha qilamizki, nufuzli Transfermarkt portali ekspertlari Fabinyoni 55 million yevroga baholamoqda.