Мадриднинг “Реал” клуби “Ливерпуль” ярим ҳимоячиси Фабиньога қизиқиш билдирмоқда. Хабарларга кўра, мадридликлар 29 ёшли бразилиялик футболчини ёзги трансфер ойнасида ўз сафига қўшиб олишлари мумкин.
Манбанинг таъкидлашича, "қизиллар" ёзги таркибни қайта қуришга тайёргарлик кўрмоқда ва Фабиньо ёмон мавсумдан кейин сотиб юборилиши мумкин.
Ярим ҳимоячи "Монако"дан кўчиб ўтгандан сўнг 2018 йилнинг ёзидан бери "Ливерпуль"да ўйнамоқда. Ўшандан бери бразилиялик 202 та расмий ўйинда майдонга тушиб, 11 та гол урган ва 8 та голга ассистентлик қилган.
Қўшимча қиламизки, нуфузли Transfermarkt портали экспертлари Фабиньони 55 миллион еврога баҳоламоқда.