"Inter" yarim himoyachisi Nikolo Barella "Liverpul"ning nishoniga aylandi. Bu fonda Milan klubi futbolchiga jiddiy narx belgilab qo‘ydi. Calciomercato xabariga ko‘ra, "neradzurrilar" Barellani 70-75 million yevroga sotishga tayyor.
Qayd etilishicha, "Inter" Nikolo Barellani o‘z safida saqlab qolmoqchi. Shu bilan birga, Milan klubining moliyaviy ahvoli hech bir futbolchini daxlsiz qilib qo‘ymaydi - "ko‘k-qoralar"da sotilmaydigan futbolchi yo‘q, ammo barchasi taklifga bog‘liq.
26 yoshli Nikolo Barella 2019 yilning yozidan buyon "Inter"da o‘ynamoqda. Yarim himoyachi “neradzurrilar” safida 165 ta o‘yinda 17 ta gol urdi va 41 ta golli uzatmani amalga oshirdi.