"Интер" ярим ҳимоячиси Николо Барелла "Ливерпуль"нинг нишонига айланди. Бу фонда Милан клуби футболчига жиддий нарх белгилаб қўйди. Calciomercato хабарига кўра, "нерадзуррилар" Бареллани 70-75 миллион еврога сотишга тайёр.
Қайд этилишича, "Интер" Николо Бареллани ўз сафида сақлаб қолмоқчи. Шу билан бирга, Милан клубининг молиявий аҳволи ҳеч бир футболчини дахлсиз қилиб қўймайди - "кўк-қоралар"да сотилмайдиган футболчи йўқ, аммо барчаси таклифга боғлиқ.
26 ёшли Николо Барелла 2019 йилнинг ёзидан буён "Интер"да ўйнамоқда. Ярим ҳимоячи “нерадзуррилар” сафида 165 та ўйинда 17 та гол урди ва 41 та голли узатмани амалга оширди.
