Karlo Anchelotti Ispaniya terma jamoasidagi faoliyatini yakunlagan Serxio Ramosni qo‘llab-quvvatladi.

Eslatib o‘tamiz, «PSJ»ning 36 yoshli himoyachisi murabbiy u bilan hisoblashmagani uchun endi terma jamoada o‘ynamasligini ma’lum qilgandi.

«Faxriylar uchun yosh masalasi muhim emas. Agar o‘yinchi barcha talabga javob bersa, pasportga qarash shart emas.

Agar 17 yoshida ma’lum bir futbolchi o‘ynashga loyiq bo‘lsa, o‘ynasin. Agar u bunga loyiq bo‘lmasa yoki boshqa o‘yinchidan yaxshiroq bo‘lmasa, o‘ynamasligi kerak. 37 yoshli futbolchi uchun ham xuddi shunday holat», — dedi Anchelotti.