Карло Анчелотти Испания терма жамоасидаги фаолиятини якунлаган Серхио Рамосни қўллаб-қувватлади.
Эслатиб ўтамиз, «ПСЖ»нинг 36 ёшли ҳимоячиси мураббий у билан ҳисоблашмагани учун энди терма жамоада ўйнамаслигини маълум қилганди.
«Фахрийлар учун ёш масаласи муҳим эмас. Агар ўйинчи барча талабга жавоб берса, паспортга қараш шарт эмас.
Агар 17 ёшида маълум бир футболчи ўйнашга лойиқ бўлса, ўйнасин. Агар у бунга лойиқ бўлмаса ёки бошқа ўйинчидан яхшироқ бўлмаса, ўйнамаслиги керак. 37 ёшли футболчи учун ҳам худди шундай ҳолат», — деди Анчелотти.
