18 yoshida jamoasining asosiy o‘yinchisiga aylangan "Liverpul" himoyachisi Stefan Baychetich hali terma jamoalardan birida o‘ynagani yo‘q.
Stefanning otasi, "Srvena Zvezda"da to‘p surgan Srdjan Baychetich, shuningdek, Serbiya terma jamoasi bosh murabbiyi Dragan Stoykovich futbolchining mahalliy terma jamoada o‘ynashiga ishonishmoqda. Biroq Baychetich allaqachon Ispaniya U18 terma jamoasiga chaqirilgan va mahalliy futbol rahbariyati u o‘z terma jamoasini tanlashi uchun hamma narsani qilmoqchi. Bu haqda AS nashri xabar bermoqda.
Manbaga ko‘ra, Baychetich navbatdagi yig‘inda Ispaniyaning asosiy jamoasiga chaqirilishi mumkin. Agar bu amalga oshmasa, uni U21 jamoasiga taklif qilishni rejalashtirishgan.
Baychetich joriy mavsumda barcha turnirlar doirasida 22 ta o‘yinda maydonga tushib, 1 ta gol urdi va bitta assistentlik qildi.
