Yarim himoyachi Marselo Brozovichning "Inter"dagi kelajagi noma’lumligicha qolmoqda.
Yanvar oyida OAV xorvatni "Barselona"ga o‘tishi bilan bog‘lashdi, ammo transfer amalga oshmadi. Keyinchalik ma’lum bo‘lishicha, "Inter" 30 yoshli yarim himoyachi bilan yozda maqbul taklif tushsa, u bilan xayrlashishga tayyor ekan. La Gazette Dello Sport nashrining yangilangan ma’lumotlariga ko‘ra, ayni damda futbolchiga birdaniga uchta gigant - Londonning "Chelsi", "Real Madrid" va o‘sha "Barselona" ko‘z tikmoqda.
Transfermarkt Marselo Brozovichni 35 million yevroga baholagan. Joriy mavsumda futbolchi “neradzurrilar”ning 16 ta uchrashuvida qatnashib, 2 ta gol urishga erishdi.