Ярим ҳимоячи Марсело Брозовичнинг "Интер"даги келажаги номаълумлигича қолмоқда.

Январь ойида ОАВ хорватни "Барселона"га ўтиши билан боғлашди, аммо трансфер амалга ошмади. Кейинчалик маълум бўлишича, "Интер" 30 ёшли ярим ҳимоячи билан ёзда мақбул таклиф тушса, у билан хайрлашишга тайёр экан. La Gazette Dello Sport нашрининг янгиланган маълумотларига кўра, айни дамда футболчига бирданига учта гигант - Лондоннинг "Челси", "Реал Мадрид" ва ўша "Барселона" кўз тикмоқда.

Transfermarkt Марсело Брозовични 35 миллион еврога баҳолаган. Жорий мавсумда футболчи “нерадзуррилар”нинг 16 та учрашувида қатнашиб, 2 та гол уришга эришди.