"Liverpul" bosh murabbiyi Yurgen Klopp jamoaning joriy mavsumdagi o‘yini haqida gapirdi. Oxirgi o‘yinda mersisaydliklar 0:0 hisobida "Kristal Pelas" bilan durang o‘ynadi.

“Biz oldinga intilamiz. "Liverpul"ning bu mavsumi tarix kitoblariga kirmaydi, uni ko‘p marta qayta ko‘rishmaydi, kinoga ham olinmaydi. Lekin har qanday holatda ham biz bularning barchasini yengib o‘tishimiz kerak", - deya nemis mutaxassisining so‘zlarini keltiradi mersisaydliklar klubi matbuot xizmati.

O‘tkazilgan 23 o‘yindan so‘ng “Liverpul” 36 ochko to‘pladi va APL turnir jadvalida 7-o‘rinni egallab turibdi.