"Napoli" hujumchisi Viktor Osimxen mashhur sobiq hujumchi Didye Drogbaning unga yuborgan xabari haqida gapirdi.
Ivuarlik forvard neapolliklar yetakchisiga yuzlanib, uni muvaffaqiyatlari bilan tabrikladi va shu ruhda davom etishini tilab qoldi. Kecha "Empoli"ga qarshi o‘yinda (2:0) Osimxen yana gol urdi va final hushtagi yangraganidan so‘ng jurnalistlar undan Drogbaning so‘zlarini izohlashni so‘rashdi:
“Uyg‘onib, ijtimoiy tarmoqlarga kirganingizda va o‘zingiz yoqtirgan odamdan bunday gaplarni eshitsangiz, bu ajoyib. Drogba men uchun aynan shunday inson. Bu ajoyib motivasiya. Uning o‘yini menga doim yoqqan va aytganlarini juda qadrlayman. O‘ylaymanki, men o‘z kumirimni juda uyaltirmayman”, dedi Osimxen DAZN nashriga.
