"Наполи" ҳужумчиси Виктор Осимхен машҳур собиқ ҳужумчи Дидье Дрогбанинг унга юборган хабари ҳақида гапирди.
Ивуарлик форвард неаполликлар етакчисига юзланиб, уни муваффақиятлари билан табриклади ва шу руҳда давом этишини тилаб қолди. Кеча "Эмполи"га қарши ўйинда (2:0) Осимхен яна гол урди ва финал ҳуштаги янграганидан сўнг журналистлар ундан Дрогбанинг сўзларини изоҳлашни сўрашди:
“Уйғониб, ижтимоий тармоқларга кирганингизда ва ўзингиз ёқтирган одамдан бундай гапларни эшитсангиз, бу ажойиб. Дрогба мен учун айнан шундай инсон. Бу ажойиб мотивация. Унинг ўйини менга доим ёққан ва айтганларини жуда қадрлайман. Ўйлайманки, мен ўз кумиримни жуда уялтирмайман”, деди Осимхен DAZN нашрига.
