Italiya A Seriyasining yigirma to‘rtinchi turida mamlakatning amaldagi chempioni «Milan» o‘z maydonida «Atalanta»ni qabul qildi va avvalgi ikki o‘yindan farqli o‘laroq, ikkita to‘p farqi bilan g‘alaba qozondi.

Bu o‘yinda jarohatdan qaytgan Zlatan Ibrahimovich maydonga tushdi va 41 yosh 146 kunligida milanliklar safida harakat qilgan eng keksa futbolchiga aylandi.

Avvalgi ushbu natija Alessandro Kostakurtaga tegishli edi, u 2007 yilda 41 yoshu 25 kunlik payti «rossonerilar» safida maydonga tushgan va penaltidan gol urgan edi.