"Barselona" "Inter" yarim himoyachisi Marselo Brozovichga qiziqish bildirmoqda. Cadena de Sera xabariga ko‘ra, "ko‘k-anorranglilar" xorvat evaziga o‘z yarim himoyachisi Frenk Kessieni "neradzurrilar"ga berishga qarshi emas.
Eslatib o‘tamiz, Kessie "Barselona"da olti oydan sal ko‘proq vaqt davomida o‘ynamoqda. Ivuarlik futbolchi yozda “Milan”dan tekinga “Kamp Nou”ga ko‘chib o‘tgandi. Brozovichga kelsak, “Inter” rahbariyati yaqin orada 30 yoshli yarim himoyachidan qutulish niyatida.
Kessie bu mavsumda "Barselona" bilan Ispaniya chempionatida bor-yo‘g‘i 511 daqiqa o‘tkazdi va bitta samarali uzatmani amalga oshirdi.