"Барселона" "Интер" ярим ҳимоячиси Марсело Брозовичга қизиқиш билдирмоқда. Cadena de Sera хабарига кўра, "кўк-анорранглилар" хорват эвазига ўз ярим ҳимоячиси Френк Кессиэни "нерадзуррилар"га беришга қарши эмас.
Эслатиб ўтамиз, Кессиэ "Барселона"да олти ойдан сал кўпроқ вақт давомида ўйнамоқда. Ивуарлик футболчи ёзда “Милан”дан текинга “Камп Ноу”га кўчиб ўтганди. Брозовичга келсак, “Интер” раҳбарияти яқин орада 30 ёшли ярим ҳимоячидан қутулиш ниятида.
Кессиэ бу мавсумда "Барселона" билан Испания чемпионатида бор-йўғи 511 дақиқа ўтказди ва битта самарали узатмани амалга оширди.
