Argentina terma jamoasi va "Inter" hujumchisi Lautaro Martinesga Angliya Premyer-ligasining top-klublari orasida talab katta. TalkSport xabariga ko‘ra, janubiy amerikalik futbolchining xizmatlariga "Manchester Yunayted", "Chelsi" va "Arsenal" klublari qiziqish bildirmoqda.
Lautaroning "neradzurrilar" bilan amaldagi mehnat shartnomasi 2026 yilning o‘rtalariga qadar tuzilgan. Transfermarkt portali uning narxini 75 million yevroga baholamoqda.
Italiya chempionatining joriy mavsumida 25 yoshli hujumchi 24 ta uchrashuvda qatnashib, 13 ta gol (bittasi penaltidan) va 3 ta golli uzatmaga mualliflik qilgan.