Аргентина терма жамоаси ва "Интер" ҳужумчиси Лаутаро Мартинесга Англия Премьер-лигасининг топ-клублари орасида талаб катта. TalkSport хабарига кўра, жанубий америкалик футболчининг хизматларига "Манчестер Юнайтед", "Челси" ва "Арсенал" клублари қизиқиш билдирмоқда.
Лаутаронинг "нерадзуррилар" билан амалдаги меҳнат шартномаси 2026 йилнинг ўрталарига қадар тузилган. Transfermarkt портали унинг нархини 75 миллион еврога баҳоламоқда.
Италия чемпионатининг жорий мавсумида 25 ёшли ҳужумчи 24 та учрашувда қатнашиб, 13 та гол (биттаси пенальтидан) ва 3 та голли узатмага муаллифлик қилган.