"Liverpul" yarim himoyachisi Nabi Keyta mavsum oxirida jamoani tekinga tark etishi mumkin. Eslatib o‘tamiz, iyul oyida afrikalik yarim himoyachi Yurgen Klopp jamoasi bilan shartnomasini yakunlaydi.
The Athletic xabariga ko‘ra, mersisaydliklar rahbariyati Keytaning mavsum so‘ngida ketishi bilan allaqachon kelishgan. Futbolchi klub shartlariga ko‘ra jamoada qolishni istamayapti, shu bois kelgusida hamkorlik qilish mumkin emas.
Avvalroq Nabiga A Seriya klublari, shuningdek, Londonning "Tottenxem" klubi qiziqish bildirayotgani haqida xabar berilgandi. O‘z vaqtida "Liverpul" futbolchi uchun Germaniyaning "Leypsig" klubiga 60 million yevro to‘lagandi.
