"Ливерпуль" ярим ҳимоячиси Наби Кейта мавсум охирида жамоани текинга тарк этиши мумкин. Эслатиб ўтамиз, июль ойида африкалик ярим ҳимоячи Юрген Клопп жамоаси билан шартномасини якунлайди.
The Athletic хабарига кўра, мерсисайдликлар раҳбарияти Кейтанинг мавсум сўнгида кетиши билан аллақачон келишган. Футболчи клуб шартларига кўра жамоада қолишни истамаяпти, шу боис келгусида ҳамкорлик қилиш мумкин эмас.
Аввалроқ Набига А Серия клублари, шунингдек, Лондоннинг "Тоттенхэм" клуби қизиқиш билдираётгани ҳақида хабар берилганди. Ўз вақтида "Ливерпуль" футболчи учун Германиянинг "Лейпциг" клубига 60 миллион евро тўлаганди.
