"Manchester Siti" hujumchisi Erling Xoland bir qancha vaqtdan beri shaxsiy homiylik shartnomasiga ega emas edi. Norvegiyalik yulduzga uchta taniqli kompaniya hamkorlik qilish taklifi bilan chiqdi - Adidas, Puma va Nike. The Athleticning xabariga ko‘ra, Xoland ushbu variantlardan uchinchisini tanladi.

Qayd etilishicha, Nike bilan tuzilgan shartnomaga ko‘ra, Erling Xoland har yili taxminan 20 million funt (deyarli 23 million yevro) ishlab oladi.

2022/2023 yilgi mavsumda norvegiyalik forvard 33 ta rasmiy o‘yin o‘tkazdi. Ularda “Manchester Siti” hujumchisi 33 ta gol urdi va sheriklariga 4 ta samarali uzatma berdi.