"Манчестер Сити" ҳужумчиси Эрлинг Холанд бир қанча вақтдан бери шахсий ҳомийлик шартномасига эга эмас эди. Норвегиялик юлдузга учта таниқли компания ҳамкорлик қилиш таклифи билан чиқди - Adidas, Puma ва Nike. The Athleticнинг хабарига кўра, Холанд ушбу вариантлардан учинчисини танлади.
Қайд этилишича, Nike билан тузилган шартномага кўра, Эрлинг Холанд ҳар йили тахминан 20 миллион фунт (деярли 23 миллион евро) ишлаб олади.
2022/2023 йилги мавсумда норвегиялик форвард 33 та расмий ўйин ўтказди. Уларда “Манчестер Сити” ҳужумчиси 33 та гол урди ва шерикларига 4 та самарали узатма берди.
