"Osasuna"da ijara asosida o‘ynayotgan "Barselona" vingeri Abde Ezzalzuli faoliyatini Angliyada davom ettirishi mumkin.
“Ko‘k-anorranglilar” rahbariyati hozircha 21 yoshli futbolchining kelajagi borasida bir qarorga kelmagan. Taxminlarga ko‘ra, tomonlar yozda kelgusida hamkorlik qilish imkoniyatlarini muhokama qiladilar, biroq hozirda marokashlik uchun da’vogar – Angliyaning “Nottingem Forest” jamoa, deb xabar bermoqda Relevo. "O‘rmonchilar" yozgi transfer oynasida Ezzalzulini taklif qilmoqchi, futbolchining o‘zi esa faoliyatini "Barselona"da davom ettirishga umid qilmoqda.
Abde Ezzalzuli joriy mavsumda La Ligada 16 ta o‘yinda maydonga tushib, 1 ta gol va 2 ta golli uzatmaga mualliflik qilgan. Transfermarkt portali uning qiymatini 8 million yevroga baholamoqda.