"Осасуна"да ижара асосида ўйнаётган "Барселона" вингери Абде Эззалзули фаолиятини Англияда давом эттириши мумкин.
“Кўк-анорранглилар” раҳбарияти ҳозирча 21 ёшли футболчининг келажаги борасида бир қарорга келмаган. Тахминларга кўра, томонлар ёзда келгусида ҳамкорлик қилиш имкониятларини муҳокама қиладилар, бироқ ҳозирда марокашлик учун даъвогар – Англиянинг “Ноттингем Форест” жамоа, деб хабар бермоқда Relevo. "Ўрмончилар" ёзги трансфер ойнасида Эззалзулини таклиф қилмоқчи, футболчининг ўзи эса фаолиятини "Барселона"да давом эттиришга умид қилмоқда.
Абде Эззалзули жорий мавсумда Ла Лигада 16 та ўйинда майдонга тушиб, 1 та гол ва 2 та голли узатмага муаллифлик қилган. Transfermarkt портали унинг қийматини 8 миллион еврога баҳоламоқда.
