"Arsenal" hujumchisi Gabriel Jezus tez orada jarohatidan forig‘ bo‘ladi.
Braziliyalik futbolchi tizzasidan olgan jiddiy jarohati tufayli dekabrdan beri maydonga tushmayapti. "Kanonirlar" hali ham 25 yoshli hujumchini o‘yinga tushirishga shoshilmayapti, biroq u allaqachon maydonda qizg‘in mashg‘ulotlarni boshlab yuborgan, deya xabar beradi ingliz OAV. Tez orada jamoa ustozi Mikel Arteta yana bir bor o‘z jamoasining hujumkor yetakchilaridan biriga ishonishi mumkin.
Gabriel Jezus joriy mavsumda "Arsenal"ning Premyer-ligada 14 ta o‘yinida 5 ta gol va 6 ta golli uzatmaga mualliflik qilgan.
