"Арсенал" ҳужумчиси Габриэль Жезус тез орада жароҳатидан фориғ бўлади.
Бразилиялик футболчи тиззасидан олган жиддий жароҳати туфайли декабрдан бери майдонга тушмаяпти. "Канонирлар" ҳали ҳам 25 ёшли ҳужумчини ўйинга туширишга шошилмаяпти, бироқ у аллақачон майдонда қизғин машғулотларни бошлаб юборган, дея хабар беради инглиз ОАВ. Тез орада жамоа устози Микель Артета яна бир бор ўз жамоасининг ҳужумкор етакчиларидан бирига ишониши мумкин.
Габриэль Жезус жорий мавсумда "Арсенал"нинг Премьер-лигада 14 та ўйинида 5 та гол ва 6 та голли узатмага муаллифлик қилган.
