Myunxenning “Bavariya” klubi 25 yoshli hujumchi Markus Tyuram uchun endi kurashmaslikka qaror qildi.

Bayern&Germany nashri xabariga ko‘ra, nemis klubi futbolchiga bo‘lgan qiziqishni yo‘qotgan.

Eslatib o‘tamiz, Fransiya terma jamoasining afsonaviy himoyachisi Lilian Tyuramning o‘g‘lini "Borussiya" (M) bilan tuzgan shartnomasi shu yozda tugaydi va erkin agentga aylanadi.

Avvalroq Myunxenliklar Tyuram uchun kurashda peshqadam ekani xabar qilingandi. Joriy mavsumda u jamoasi safida 23 ta rasmiy o‘yinda maydonga tushib, 14 ta gol urdi va 4 ta golli uzatmaga mualliflik qildi.

Transfermarkt portali futbolchining narxi 32 million yevroga baholamoqda.