Madridning “Real” klubi bosh murabbiyi Karlo Anchelotti “Barselona”ga qarshi Ispaniya kubogi yarim final uchrashuvi oldidan jamoa motivasiyasi haqida gapirdi.

“Biz Superkubok revansh jangi bo‘lgani uchun emas, chempionlikka yaqin qolganimiz uchun g‘alaba qozonishni istaymiz. Har qanday jamoa kubokga yaqin bo‘lsa, keskinlik darajasi oshadi", - dedi italiyalik mutaxassis o‘yinoldi matbuot anjumanida.

Mutaxassisning fikricha, avvalgi “El-Klasiko”da “Qirollik klubi”da uslubga sodiqlik yetishmagan, xatolarning tez-tez takrorlanishi o‘yinga ta’sir qilgan.