Madridning “Real” klubi bosh murabbiyi Karlo Anchelotti fransiyalik markaziy hujumchi Karim Benzemaning jamoa uchun ahamiyati haqida gapirdi.
"Benzemadan o‘tgan mavsumda jamoa uchun qilgan barcha ishlari uchun juda minnatdorman. Uning muvaffaqiyatli o‘yini tufayli ko‘plab sovrinlarni qo‘lga kiritdik. Umid qilamanki, biz bu mavsumda ham Karimga minnatdorchilik bildiramiz, u yaxshi ishlamoqda. Tarkibda shunday o‘yinchiga ega bo‘lish unvonlarga yaqinroq bo‘lishni anglatadi", - deya Anchelottining so‘zlaridan iqtibos keltiradi "qaymoqranglilar" matbuot xizmati.
Eslatib o‘tamiz, Benzema o‘tgan yili "Oltin to‘p"ni qo‘lga kiritgandi.
Ispaniya chempionatining joriy mavsumida Karim 14 ta bahs o‘tkazib, 11 ta gol va 3 ta golli uzatmani amalga oshirgan.
