Мадриднинг “Реал” клуби бош мураббийи Карло Анчелотти франциялик марказий ҳужумчи Карим Бенземанинг жамоа учун аҳамияти ҳақида гапирди.
"Бенземадан ўтган мавсумда жамоа учун қилган барча ишлари учун жуда миннатдорман. Унинг муваффақиятли ўйини туфайли кўплаб совринларни қўлга киритдик. Умид қиламанки, биз бу мавсумда ҳам Каримга миннатдорчилик билдирамиз, у яхши ишламоқда. Таркибда шундай ўйинчига эга бўлиш унвонларга яқинроқ бўлишни англатади", - дея Анчелоттининг сўзларидан иқтибос келтиради "қаймоқранглилар" матбуот хизмати.
Эслатиб ўтамиз, Бензема ўтган йили "Олтин тўп"ни қўлга киритганди.
Испания чемпионатининг жорий мавсумида Карим 14 та баҳс ўтказиб, 11 та гол ва 3 та голли узатмани амалга оширган.
