Туркия Суперлигасининг 5-тур баҳслари якунланди. Тур доирасида жами 9 та учрашув ўтказилди.

"Бешиктош" ўз майдонида "Эрзурумспор"ни 3:0 ҳисобида мағлуб этди. "Чайкур Ризеспор" "Эюпспор" меҳмони бўлиб, 2:0 ҳисобида зафар қучди. Турнинг энг йирик натижаларидан бири Самсунда қайд этилди — "Самсунспор" "Аржа Чорум"га 1:5 ҳисобида имкониятни бой берди.

"Аланьяспор" — "Гёзтепе" баҳси 2:2 ҳисобида якунланди. "Коньяспор" "Трабзонспор"ни 1:0, "Қосимпошо" эса "Генчлербирлиги"ни 2:1 ҳисобида енгди.

Ўзбекистонлик футболчилар Элдор Шомуродов ва Аббосбек Файзуллаев тўп тепаётган "Истанбул Башакшеҳир" эса турнинг энг оғир мағлубиятларидан бирини қабул қилди. Жамоа "Амед"га қарши сафар ўйинида 0:5 ҳисобида ютқазди.

"Галатасарой" "Кожаэлиспор"ни 1:0 ҳисобида мағлуб этиб, пешқадамликни сақлаб қолди. "Фенербахче" эса "Газиантеп" билан 0:0 ҳисобида дуранг ўйнади.

5-турдан кейин "Галатасарой" 13 очко билан биринчи ўринда бормоқда. "Бешикташ" 12 очко билан иккинчи, "Амед" эса 10 очко билан учинчи поғонани эгаллаб турибди. "Фенербахче" 7 очко билан 11-ўринда, "Истанбул Башакшеҳир" эса 4 очко билан 13-поғонада жойлашган.