"Chelsi" "Napoli" hujumchisi Viktor Osimxenga faol qiziqish bildirishda davom etmoqda.
Calciomercato xabariga ko‘ra, London klubi xo‘jayini Todd Bouli 24 yoshli nigeriyalik futbolchiga yiliga to‘qqiz million yevro to‘lashga tayyor, bu futbolchining hozirgi maoshidan ikki barobar ko‘p. Nashrning yozishicha, “Napoli” prezidenti Aurelio De Laurentis hujumchini 120 million yevrodan kamiga qo‘yib yuborishga tayyor emas.
Osimxen joriy mavsum A Seriyada “Napoli” safida 20 ta o‘yinda maydonga tushib, 19 ta gol urdi va 3 ta golga assistentlik qildi.
Transfermarkt.com portali Osimxenning narxini 70 million yevroga baholamoqda.