Madridning «Real» klubi yangi bosh murabbiyi Joze Mourinyo jamoaning ispaniyalik markaziy hujumchisi Gonsalo Garsiyaning klubdagi kelajagini belgilab oldi.
Marca gazetasi tarqatgan ma’lumotlarga ko‘ra, portugaliyalik mutaxassis 22 yoshli futbolchini klubda saqlab qolishga qaror qilgan. Murabbiy ushbu yozgi transfer oynasi hujumchi bilan xayrlashish uchun to‘g‘ri vaqt emas deb hisoblaydi.
Gonsalo 2025 yildan buyon «qirollik klubi» sharafini himoya qilib kelmoqda. Hujumchi va «qaymoqranglilar» o‘rtasidagi amaldagi mehnat shartnomasi 2030 yilning iyun oyi oxirigacha amal qiladi. Transfermarkt portali ekspertlari Garsiyaning bozor qiymatini 30 million yevroga baholashmoqda.
