"Atletiko" yozgi transfer oynasida o‘z byudjetini iqtisod qilmoqchi.
Jurnalist Xesus Medinaning so‘zlariga ko‘ra, "matraschilar" birinchi navbatda bozorda erkin agent sifatida paydo bo‘ladigan futbolchilarni kuzatib boradi. Hujumchi Markus Tyuram va himoyachi Chaglar Syoyundjuni bu toifaga kiritish mumkin.
Qayd etilishicha, “Atletiko” ijaradan qaytgan futbolchilarga ham imkoniyat bermoqchi. Qolaversa, akademiyaning ayrim futbolchilari asosiy tarkibga o‘tkazilishi mumkin.
"Atletiko" ayni damda Ispaniya chempionati turnir jadvalida to‘rtinchi o‘rinda bormoqda.
