Yevropa futbol assosiasiyalari ittifoqi (UYEFA) klublarning moliyaviy ishlarini diqqat bilan kuzatishda davom etmoqda.
UYEFA Yevropa bo‘ylab 11 ta klubni "kechiktirilgan qarzlar uchun" jarimaga tortdi, deb xabar bermoqda AP News nashri.
Eng jiddiy jazo Ruminiyaning "Kluj" va "Lyublyani Olimpik" (Sloveniya) jamoalariga tahdid solmoqda. Bu klublar 2027 yilgacha bir mavsumga yevrokuboklarda ishtirok etishdan diskvalifikasiya qilinishi mumkin. Ularga moliyaviy maqsadlarga erishish uchun bir yoki ikki yillik sinov muddati berildi. Bundan tashqari, “Kluj” 250 ming yevro, “Olimpiya” esa 100 ming yevro miqdorida jarimaga tortildi.
Xorvatiyaning "Osiyek" va "Riyeka" klublari ham jazolandi. Klublar o‘tgan mavsumdan beri qarzdor va bu mavsumda Konferensiyalar ligasi mukofot pullaridan mahrum bo‘lishdi. Boshqa jarimalar 10 000 yevrodan 150 ming yevrogacha bo‘lgan. Bunday jarimalarni "Aris" (Gresiya), "Astana" (Qozog‘iston), "Boras Banya-Luka" (Bosniya va Gersegovina), "Floriana" (Malta), "Konyaspor" (Turkiya), "Qizil-Jar" (Qozog‘iston) va "Valmiyera" (Latviya) klublari to‘lashi kerak.
