Yarim himoyachi Adriyen Rabyo yozda klubini o‘zgartirishi mumkin. Hozirda 27 yoshli fransiyalik futbolchi o‘ynayotgan "Yuventus" yarim himoyachini o‘z safida saqlab qolmoqchi, biroq unga yiliga talab qilinadigan 10 million yevroni to‘lashga tayyor emas.

Fichajes nashrining xabariga ko‘ra, Adriyen Rabyo "Barselona"ning nishonida turibdi. Kataloniya klubi fransiyalik futbolchini erkin agent sifatida qo‘lga kiritish imkoniyatiga qiziqish bildirmoqda.

Umumiy hisobda Adriyen Rabyo "Yuventus" safida 157 ta o‘yinda maydonga tushdi. Ularda yarim himoyachi 13 ta gol urdi va sheriklariga 8 ta golli uzatma yozdirib qo‘ygan.

Transfermarkt portali Adriyen Rabyoni 25 million yevroga baholamoqda.