Ярим ҳимоячи Адриен Рабьо ёзда клубини ўзгартириши мумкин. Ҳозирда 27 ёшли франциялик футболчи ўйнаётган "Ювентус" ярим ҳимоячини ўз сафида сақлаб қолмоқчи, бироқ унга йилига талаб қилинадиган 10 миллион еврони тўлашга тайёр эмас.
Fichajes нашрининг хабарига кўра, Адриен Рабьо "Барселона"нинг нишонида турибди. Каталония клуби франциялик футболчини эркин агент сифатида қўлга киритиш имкониятига қизиқиш билдирмоқда.
Умумий ҳисобда Адриен Рабьо "Ювентус" сафида 157 та ўйинда майдонга тушди. Уларда ярим ҳимоячи 13 та гол урди ва шерикларига 8 та голли узатма ёздириб қўйган.
Тransfermarkt портали Адриен Рабьони 25 миллион еврога баҳоламоқда.
