"Lill" hujumchisi Jonatan Devid shu yozda jamoasini o‘zgartirishi mumkin. Jurnalist Nikolo Skiraning ma’lumotlariga ko‘ra, kanadalik futbolchiga turli chempionatlarning ko‘plab klublari qiziqish bildirmoqda.
Manba bergan xabarga ko‘ra, ayni damda Germaniyaning "RB Leypsig"i va Angliya Premyer-ligasining nomi oshkor etilmagan klublari qiziqishlari haqida aniq ma’lumot bor. Transfermarkt Devidni 45 million yevroga baholamoqda.
Fransiya chempionatining joriy mavsumida 25 ta uchrashuvida Devid hisobiga 16 ta gol bor. 23 yoshli hujumchi "Lill" bilan uchinchi mavsumini o‘tkazmoqda va jamoa bilan Liga 1da g‘olib chiqqan.