"Vest Xem"ning kiyinish xonasida bosh murabbiy Devid Moyes ustidan notinchlik kuzatilmoqda. The Guardian xabariga ko‘ra, futbolchilar shotlandiyalik mutaxassisning taktikasidan norozi. Futbolchilarning fikricha, Moyesning yondashuvi “Vest Xem”ning rivojlanishiga to‘sqinlik qilmoqda.
Angliya chempionatining so‘nggi o‘yinida “Vest Xem” “Brayton”ga 0:4 hisobida imkoniyatni boy berdi. Londonliklar turnir jadvalida bor-yo‘g‘i 16-o‘rinni egallab turibdi, ammo Devid Moyes o‘z o‘rnini saqlab qoldi.
“Vest Xem” o‘zining navbatdagi Premyer-liga o‘yinini 12 mart kuni o‘z maydonida “Aston Villa”ga qarshi o‘tkazadi.
