Joriy mavsumda Istanbulning "Fenerbaxche" klubida o‘ynayotgan belgiyalik hujumchi Mishi Batshuayi Angliya Premyer-ligasiga qaytishi mumkin. Bu haqda Todofichajes nashri xabar bermoqda.
29 yoshli hujumchining transferiga Angliyaning uchta klubi qiziqish bildirmoqda. Gap “Everton”, “Kristal Pelas” va “Vest Xem” haqida ketmoqda. Mishining turk klubi bilan shartnomasi kelasi yilning o‘rtalariga qadar tuzilgan. Uning transfer narxi o‘n million yevroga baholanmoqda.
Batshuayi Turkiyaga ko‘chib o‘tishdan oldin Londonning "Chelsi" jamoasida o‘ynagan.
Superliganing joriy mavsumida hujumchi 15 ta o‘yin o‘tkazib, 10 ta gol urdi va bitta golli uzatmaga mualliflik qilgan.
