Жорий мавсумда Истанбулнинг "Фенербахче" клубида ўйнаётган бельгиялик ҳужумчи Миши Батшуайи Англия Премьер-лигасига қайтиши мумкин. Бу ҳақда Todofichajes нашри хабар бермоқда.
29 ёшли ҳужумчининг трансферига Англиянинг учта клуби қизиқиш билдирмоқда. Гап “Эвертон”, “Кристал Пэлас” ва “Вест Хэм” ҳақида кетмоқда. Мишининг турк клуби билан шартномаси келаси йилнинг ўрталарига қадар тузилган. Унинг трансфер нархи ўн миллион еврога баҳоланмоқда.
Батшуайи Туркияга кўчиб ўтишдан олдин Лондоннинг "Челси" жамоасида ўйнаган.
Суперлиганинг жорий мавсумида ҳужумчи 15 та ўйин ўтказиб, 10 та гол урди ва битта голли узатмага муаллифлик қилган.
